Цантсан цонхон дээрх бурхны бичээсийг
Цаг нь болохоор би тайлаад уншчих л байх даа
Энэ л байж гээд инээд алдаад л
Энэ цонхыг би хага цохичих байх даа
Гомдсон юм шиг том алаг нүдтэй
Голын ус шиг цонхны шил шиг шувууд
Шилний хагархай шиг ар араасаа
Шил шилээ дагаад уйлаад нисчихвэл яана
Ээ дэ би хагалдаггүй л байж
Энэ олон хаврыг би юуныхаа цаанаас харна да
Ээ дэ би хагалдаггүй л байж
Ингэж яг харамсах байх да
Цантсан цонхон дээрх гоёмсог дүрсийг
Цаашдаа би бичиг гэж бодохгүй ээ
0 сэтгэгдэл:
Post a Comment